Egilea: bgarate

HETELen ezagutza partekatzearen garrantziaz jabetuta, proiektu teknologikoen azokaren laugarren edizioa antolatu dugu. Ekimen hau beTEKu – berrikuntza teknologikoaren kudeaketa taldetik bideratuta dago. Edizio honetan 7 ikastetxek (La Salle Berrozpe, Goierri eskola, MGEP, Egibide, Txorierri politeknika ikastegia, UGLE eta Maristak Durango) fabrikazio mekanikoa, elektrizitatea eta elektronika, informatika, robotika eta metodologia arloetako 19 berrikuntza proiektu aurkeztu dituzte (adibidez: mekanizazio birtuala, flipped classroom, Kolobot robot kolaboratiboa edo Cibersegurtasuna proiektuak). HETEL proiektuen azoka ikastetxeen arteko ezagutza eta, aldi berean, hauen arteko lankidetza eta elkartrukea sustatzeko antolatzen da. Helburu honekin, azokaren bigarren partean hainbat alorretako proiektu ideiak landu dira ikastetxeen artean. Ekitaldian 32 pertsona izan dira eta balorazioa oso positiboa izan da.

Joan den ikasturtean e-MOTIVE (e-motive metodologia) europar proiektuaren bidez —LHko irakasle eta ikasleen arteko nazioarteko lankidetza sistema da— lortu genuen arrakastaren ondoren, HETELeko ikastetxeetako 11 ikaslek (Durangoko Maristetakoek, Andoaingo La Salle Berrozpekoek, Deustuko Salestarretakoek, Zulaibarrekoek eta Egibidekoek) Holandako ROC Da Vinci ikastetxeko ikasleekin elkarlanean aritzeko aukera izango dute ikasturte honetan ere, BBKren (Bizkaian), Vital Fundazioaren (Araban) eta Kutxaren (Gipuzkoan) laguntzari esker. Oraingo honetan, hauxe da ikastetxeotako irakasleek prestatu eta ikasleek ebatzi beharko duten erronka: hondakinen (laten, plastikoen…) bolumena murrizteko gailu bat diseinatzea. Azaroan, irakasleek erronka diseinatzeko eta planifikatzeko bilera bat egin zuten, eta azken bi asteotan Holandako ikasleak Euskal Herrira etorri dira taldeko euskal kideak ezagutzera. Irakasleek ikasle guztiei erronka aurkeztu ondoren, ikasleak online eta aurrez aurre arituko dira, aurkeztu dieten erronkari erantzun egokia emateko asmoz. Erantzuna Holandan aurkeztu eta ebaluatuko dute, otsailaren 19ko astean. Proiektuan parte hartzen dutenek, proiektu bat aurrera ateratzeko elkarlanean aritzen ikasteaz gain, enpresetan funtsezkoak diren beste trebezia eta konpetentzia batzuk ere barneratuko dituzte, hala nola ingelesaren ezagutza, kultura anitzeko taldeko lana, independentzia eta autokudeaketa.  Abantean!

Dos profesores de EGIBIDE visitaron el Centro ROC Arcus College en la ciudad holandesa de Heerlen del 9 al 12 de enero, mediante las becas Erasmus+ de HETEL para la movilidad del profesorado. El objetivo de esta visita era conocer la asociación holandesa de centros de FP para conocer los últimos desarrollos en el ámbito de la Automoción. Heerlen se encuentra en la zona fronteriza entre Alemania, Bélgica y Holanda. Es un importante polo de desarrollo con un buen número de empresas dedicadas al área automovilística. Entre empresas y organizaciones de la zona están llevando a cabo el proyecto Garage 4.0 consistente en diseñar el garaje del futuro que responda a las necesidades de un área con previsibles cambios que ya se están implantando: motores eléctricos controlados por procesos informáticos, diagnosis  a distancia, nuevas fuentes de energía, vehículos autónomos… Además de visitar las instalaciones del centro en Heerlen y Eupen (Bégiva), también tuvieron la oportunidad de visitar la factoría Ford en Colonia, un ejemplo de empresa industrial automatizada y tecnológicamente muy avanzada. La visita ha cumplido con los objetivos marcados, abriendo la posibilidad de colaborar en la actualización de esta especialidad en nuestros centros y la participación en futuros proyectos. 

Egibide ikastetxeko 2 irakaslek Herbehereetako Heerlen hiriko ROC Arcus Collegen izan ziren urtarrilaren 9tik 12ra bitartean, HETELen Erasmus+ beka bati esker. Bisita honen helburua Automozio sektorearen azken garapenak ezagutzea izan da, MOB Raad Lanbide Heziketako ikastetxeen elkarteari esker. Heerlen Alemania, Belgika eta Holandaren arteko mugan dago. Garapen polo bat da, bertan, automozioaren alorreko hainbat enpresa kokatzen direlarik. Bertako enpresa eta erakundeak Garage 4.0. proiektuan dihardute, etorkizuneko beharrei erantzuna emateko gai izango den garajea diseinatzeko helburua duena, alor horretan ezartzen ari diren aldaketak kontuan hartuta: informatika prozesuen bidez kontrolatzen diren motore elektrikoak, distantzian egindako diagnosiak, energia iturri berriak, kotxe autonomoak… Ikastetxeak Heerlen eta Eupenen (Bégiva) dituen instalazioak bisitatzeaz gain, Coloniako Ford faktoria ikusteko aukera izan zuten, automatizatutako enpresa industrialaren adibide ona eta teknologia aldetik oso aurreratua dena. Bisita honetan aldez aurretik jarritako helburuak bete ditugu, ikastetxeetan arlo honetako edukiak eguneratzeko eta etorkizunean proiektu ezberdinetan elkarlanean aritzeko aukerak zabaldu dizkigu bisita honek. 

Abenduak 19an IKT taldeak bilera egin zuen Lea Artibai ikastetxean, ondorengo gai zerrendarekin: IKT heldutasun eredua, IKTen erabilera berrikuntza pedagogikoaren alorrean gaiari lotutako praktika egokien aukeraketa eta IRIS sarea, besteak beste. Ondoren, Numa Goikoetxeak Lea Artibaik mahaigainen birtualizazioaren alorrean duen esperientzia azaldu zuen. Praktika egoki honetan, HETEL ikastetxeetatik 16 pertsona izan ziren eta balorazio positiboa egin zuten. Abantean!  

Ordiziako Goierri Eskolan, gehikuntzazko fabrikazioan AM (additive Manufacturing), metaletan 3D inpresiorako SLM teknologia beTEKu proiektuaren aurkezpena burutu dute Juanjo Igarzabal eta Aitor Zuriarrainek. Jardunaldia, Industria 4.0ren ainbat kontzeptu azalduz hasi da, gaur egun dituen erronka eta aukerak aipatuz, jarraian SLM teknologiaren funtsa azaldu da eta eskaintzen dituen abantaila, aplikazio eta adibideak azalduz. Ekitaldia amaitzeko Goierri Eskolako SLM instalazioetara eta IK4Lortekera bisita burutu zen prozesua zuzenean ikusteko, partaideek balorazio oso ona eginez.

Aste honetan HETEL international EURspace proiektuaren bostgarren bileran Perugian, Italian, izan da. Aste honetan zehar, proiektuko kideak plataforma digital bat ateratzeko azken pausoak adostu dituzte. Plataforma honek mugikortasun proiektu batetan komunak diren ikaskuntza emaitzak  identifikatzen lagunduko duen metodologia jasoko du eta Europako Lanbide Heziketako curriculum ezberdinen arteko aspektu komunak lortzea erraztuko duena. Lanbide Heziketako irakasle eta ikasleei zuzendutako ECVET sistemaren erabilera ezagutzeko prestakuntza plataforman eskuragarri egongo da. Prestakuntza honekin mugikortasun proiektuaren kalitatea bermatu nahi da. 2018ko apirilean Portugalen gai hauen inguruko prestakuntza egingo da eta bertan HETELeko bi irakaslek parte hartuko dute.

Euskadiko automozio sektorerako trokelgintzaren eta robotikaren alorreko LH Dualeko espezializazio programen hasierako ekitaldia egin da gaur AIC-Automotive Intelligence Centerren Boroako instalazioetan. HETELek antolatu ditu programok AIC-Automotive Intelligence Centerrekin elkarlanean, eta Lanbide eta LHko Sailburuordetzaren laguntza jasotzen dute. Ikasturte hasierako ekitaldian izan dira Eusko Jaurlaritzako Teknologiako eta LHko Ikaskuntza Aurreratuen zuzendari Rikar Lamadrid; HETELeko lehendakari Julen Elgeta; AIC/ACICAEko Ezagutzaren Kudeaketako zuzendari Aitor Ruiz; bai eta prestakuntza honetan parte hartu duten LHko ikastetxetako ikasle eta irakasleak ere. Ekitaldiaren amaieran bisita egin zaie AICren instalazioei, bertan baitaude arintzean, fabrikazio aurreratuan eta ibilgailuen garapen birtualean espezializatutako zentroak, bai eta Gestamp Technology Institute bera ere. Puntako ekipamendu horiek ekimena jorratzeko gune ezin hobeak dira, ikasleek benetako lan eremuan jarduteko aukera izango baitute, beraien ikaskuntzan lagungarri izateko egokitzapenak eginda. Zehazki, alde batetik pieza metalikoa lortzeko trokelak diseinatu eta fabrikatzeko ikastaroa (trokelgintzakoa) abian jarri da. Ikasleek enpresetako egonaldiak eta AICn eta GTIn egindakoak txandakatuko dituzte. 18 ikasle hasiko dira ikastaro horretan, eta, besteak beste, Matrici, Garita, Batz, Cie Automotive, Irudi eta Gestamp enpresetan egingo dute jarduna. Beste alde batetik, Industria oso automatizatuan ekoizpen bitartekoak kudeatzeko ikastaroa (robotikakoa) ere jarri da abian, eta, aurreko kasuan bezala, ikastaroak enpresetako egonaldiak eta AICn egindakoak txandakatuko ditu. Programa honetan 12 ikasle daude guztira, eta, besteak beste, Inser Robotica, Irudi, Ingemat, Dibal, RPK, Pierburg, Inauxa, Cikautxo, PMG eta Nemak enpresetan arituko dira.

Erasmus+ edo Global Training bezalako mugikortasun programak, Lanbide Heziketako ikasle edo tituludunak atzerrian lan esperientzia bat izatea ahalbidetzen dute. Esperientzia honek beraien lan aukerak hobetzeaz gain (baita lanpostu hobeak izateko aukera ere), hiritar globalaren kontzeptua sortzen eta bizitza pertsonala eta profesionala kudeatzeko erabilgarriak izango diren gaitasunak lortzen laguntzen dute. Ikasle eta tituludun hauek beraien atzerriko esperientziari probetxu maximoa atera dezaten, irakasleek ondorengo gaitasunak beharko lituzkete: –        – Kulturarteko eta nazioarteko gaitasunak zuzenean Lanbide Heziketako curriculumetan integratzeko gaitasuna, ikasle guztiak landu ditzaten neurriren batean –          – Mugikortasun aukerak ezagutzea, dauden programa ezberdinak, hauen kudeaketa prozesuak eta mugikortasunen zeharkako gaiak –         –  Atzerrian lan praktikak egiteko dauden bide ezberdinak eta hauetan hartzen diren gaitasunen aitorpena nola lortu daitekeen aztertzea Irakasleen gaitasun hauek hobetzeko xedearekin, mugikortasunen eragin positiboa handitzeko eta lanbide Heziketako Curriculumetan internazionalizazioa aspektu garrantzitsu giza ezartzeko,  HETELek WBL Summer School (WBL uda eskola) Europar proiektuaren lehenengo bilera parte hartu du Kolonian. Italiako Uniser erakundeak koordinatzen duen Europar proiektu honetan Alemaniako, Frantziako, Portugalgo eta Esloveniako bazkideak ere badaude. Hasierako bilerako egun bi hauetan, 2018ko ekaineko azken astean izango den udako eskolaren estruktura diseinatu eta ikasketa helburuak zehaztu dira.   

BBK eta Vital Fundazioei esker ikasturte honetan, HETELeko ikasle eta irakasle talde batek Diseinua Internatinal nazioarteko proiektuan parte hartuko du, e-motive metodologia jarraituz. Aste honetan Holandako ROC Da Vinci eskolako Martin Borsje gurekin izan dugu. Parte hartuko duten ikastetxe guztietan izan da instalazioak ikusten eta bertako irakasleekin bildu da. Bisita honen helburua, proiektua abian jarri ahal izateko, Euskadiko eta Holandako ikasleek elkarlanean ebatzi behar duten erronka zehaztea eta diseinatzea izan da. Urtarrilean Holandako ikasleak Bizkaia eta Arabara etorriko dira herrialde ezberdinetako lantaldeak egiteko. Momentu horretan, taldekideak elkar ezagutzeaz gain, ebatzi behar duten erronka aurkeztuko zaie. Bi hilabetetan zehar, ikasle hauek elkarlanean arituko dira herrialde ezberdinetako kidez osatutako lantaldeetan. Lan egin ahal izateko, teknologia ezberdinak erabiliko dituzte (e-maila, skype, etabar). Proiektu honetan arituko diren ikasleak, elkarlanean ikasteaz gain, klabeak diren bestelako gaitasun batzuk ere landuko dituzte, hala nola, ingelesa, kutura ezberdinetako taldeetan aritzea, autonomia edo autogestioa. Abantean!