Egilea: bgarate

   Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak HETELen ekintza batzuk finantzatzen ditu, 30 urtez beherako gazteen enplegagarritasuna sustatzeko programaren esparruan.                 Lehen mailako ikasketak amaitu gabe edo DBHko, Batxilergoko edo Oinarrizko LHko ziurtagiriaduten eta langabezian dauden gazteak gizarteratzeko programa. ·         Fabrikazio mekanikoa(Durango / Zulaibar / Otxarkoagako Maristak ikastetxeak): 245 ordu. ·         Promozio komertziala eta salmentak(Somorrostro ikastetxea): 260 ordu.                       Ekintza hauek kontratatzeko konpromisoa dute.   Langabezian dauden eta kualifikazioa (erdi edo goi mailako LHko titulazioa edo unibertsitate titulua) duten gazteak gizarteratzeko programa.   PRESTAKUNTZA EKINTZA EMATEN DUEN LANBIDE HEZIKETAKO ZENTROA PRESTAKUNTZA EKINTZA ORDUAK       ZABALBURU “Antolaketa gaitasunak:berrikuntza eta sormena lantokian” 20 “Antolaketa gaitasunak:berrikuntza eta sormena lantokian” 20 Ekimena eta ekintzailetza 20 Ekimena eta ekintzailetza 20       TXORIERRI Cad 3Dri buruzko ikastaroa, Catia erabiliz 45 Solidworks ikastaroa 45       MARISTAK AUTOCAD 45 CATIA V5 45       ZULAIBAR Catia 45 Heidenhain ordenagailu bidezko zenbakizko kontrola 45       DEUSTUKO SALESIARRAK  NX 9.0.Hastapenak 45  NX 9.0.Aurreratua 45  EPLAN P8.Eskema elektrikoen diseinua (oinarrizkoa) 45  EPLAN P8.Eskema elektrikoen diseinua (aurreratua) 45       SAN VIATOR Motozikleten mekanika (motorrak, karburazioa eta injekzioa) 45 Motozikleten mekanika (hozketa, transmisioa, pizketa, ihesa eta balaztak) 45 Motozikleten mekanika (xasisa, gurpilak, sistema elektrikoa eta esekidura) 45       OTXARKOAGA Edozein hozgarri fluoratuko karga duten hozte sistemak dituzten ekipoak manipulatzeko ikastaro osagarria 30 Legionelosia (txartelarekin) 30 Komunikazio zelulak 45 Automobilei buruzko adituen txostena 45 Soldadura altzairu herdoilgaitzarekin 45       SOMORROSTRO Ekintzailetza trebetasunak 20 Segurtasun koordinatzailea eraikuntza lanetan 45 Industria instalazioen 3D diseinua, AVEVA PDMS erabiliz 45 TEKLA Structure 45       INDAUTXUKO KIMIKA ETA ELEKTRONIKA ESKOLA Aplikazioak Arduino mikrokontrolagailuekin:kontrol automatikoak egitea, sentsoreak, eragingailuak eta robotak erabiliz 45 Odol ateratzeari eta diagnostiko klinikoak egiteko mikroskopia elektronikoari buruzko ikastaroa 45 Genetika klinikoko oinarrizko kontzeptuei buruzko ikastaroa 45 Bioinformatika 45       Izena emateko, bidali mezu elektroniko bat helbide honetara: foc@otxarkoaga.net  Adierazi zure lehentasunak.   Harremanetan jarriko gara zurekin.   Ez atzeratu… zenbait ikastaro hastear daude      

   Otsailaren amaieran HETELeko kideek Eskoziara bidaia egin dute West of Scotland Colleges´ Partnership (WoSCoP) erakundeak gonbidatuta. Bertan, hiru ikastetxe bisitatu dituzte (Glasgow Clyde College, New College Lanarkshire eta City of Glasgow College) eta WoSCopen ordezkariekin bilerak egin dituzte hainbat esparrutan esperientziak partekatzeko: besteak beste, LHko ikastetxeen kudeaketa Eskozian, diru iturriak, enpresekin dituzten harremanak eta bazkideei eskaintzen dizkieten zerbitzuak.    Bide batez, skype bidez Europako beste ikastetxe batzuekin –Jyväskylä Educational Consortium (FI), Southern Regional College (EI),  South West College (EI) eta  Association HVC (SI)–harremanetan jartzeko aprobetxatu dugu, eta Europako LHko ikastetxeen kudeaketari buruzko informazioa biltzeko. Bidaia honi esker, ohartu gara Europako LHko ikastetxe publikoen eredua eta HETEL ikastetxeena oso antzekoak direla… Abantean!    Eskerrik asko gurekin partekatzeagatik! Espero dugu gure arteko elkarlana sendotzen jarraitu ahal izatea.      

 Egunotan egin dira aurtengo 100 Erasmus HETEL bekadunei zuzendutako hitzaldiak, jatorrizko herrialdeei, Erasmusen dokumentazioari eta beste alderdi orokor batzuei buruzko argibideak emateko. Guztia prest dago erdi mailako 30 ikaslek eta goi mailako 70ek Europako 10 herrialdetan 13 asteko praktikaldia egiteko.    Bizipen ahaztezina opa diegu guztiei! 

    Gaur jarri da abian Boroako AIC – Automotive Intelligence Centreren instalaziotan “xafla metalikoa lortzeko trokelen diseinu eta fabrikazioa” espezializazioaren bigarren promozioa. Datozen hilabeteotan, automobilgintzaren sektorerako atariko prestakuntza jasoko dute.    LHko 9 ikastetxetako (Txorierri, Maristak, Somorrostro, Zulaibar, Barrutialde, Bidebieta, Atxuri, Elorrieta Errekamari, Emilio Campuzano eta Mungia) 27 ikaslek dagoeneko hasi dute egonaldia sektoreko 7 enpresatan (Gestamp, Matrici, Batz, Cie automotive, Irudi, Odim eta Tooling and Services). Zorte on guztiei! Abantean!

   Lanbide Heziketako 20 HETEL ikastetxeen prestakuntza eskaintza argitaratu dugu. Oraindik ez dakizu ikasi nahi duzun datorren ikasturtean? Esteka honetan gure ikastetxeen eskaintza eskuragarri daukazu: https://issuu.com/hetel/docs/folleto_centros_hetel_2017_azkena

   Erabaki horretan laguntzeko, gure ikastetxeen ate irekien jardunaldietan parte hartzera gonbidatzen zaitugu. Ikastetxeen prestakuntza eskaintza, proiektuak, instalazioak…ezagutzera etor zaitezke urtero antolatzen ditugun ate irekien jardunaldietan.        Data zehatzak mapa honetan kontsultatu ditzakezu:  

   Euskaltel aliatu estrategikoa da HETELentzat, lanbide heziketaren alde egin duen apustuari eta gazteen artean bokazio zientifikoak zabaltzeko emandako laguntzari esker, hertsiki lan egin ahal izan baitugu hainbat proiektutan, besteak beste: SHARE eta e-MOTIVE proiektuetan.    HETELek 2009. urtean jarri zuen martxan SHARE lankidetza proiektua, eta, bertan, HETELen 4 ikastetxetako —Egibide, Zabalburu, Deustuko Salestarrak eta Somorrostro— Telekomunikazio eta Informatika Sistemak zikloko 60 ikasle inguruk hartzen dute parte. Ikasleek taldetan egiten dute lan, ikastetxe horietako bakoitzean zenbait aplikazio zerbitzari instalatzeko, hainbat egoitza dituen enpresa bat simulatuz. Benetako egoeren simulazio horrekin, ikasleek funtsezko zeharkako eskumenak bereganatzen dituzte: talde lana, arazoen ebazpena, lan glokala, hizkuntzak (aurkezpena ingelesez egin dezatela eskatzen zaie) eta abar.   «HETELen, benetako proiektu berritzaileen alde egiten dugu apustu, Euskaltelek babesten dituenen modukoen alde.Share proiektuan, funtsezkoa da Euskaltelekin lankidetzan aritzea, hain zorrotza den LH berri honetan proiektuari ezinbestekoa den balio erantsia emateko.Nazioartekotzearen aldeko apustuarekin batera, Erasmus+ proiektuetan parte hartzera eraman gaitu horrek, adibidez e-MOTIVE izenekoan —fabrikazio mekanikoaren diseinuko Europako hainbat ikastetxerekin antzeko interesak partekatzetik sortu da—. Azken jardunaldia maiatzaren 4an izango da, eta Euskaltelen laguntza baliotsua izango du».    Lankidetza ofizialtzen eta ikusarazten duen akordioa martxoaren 14an sinatu da, Euskaltelek Derion duen egoitzan. Bertan, Euskaltel Konekta Fundazioak gazteen eta Lanbide Heziketaren aldeko apustua azpimarratu du, ekintzailetzaren aldekoa batez ere, ikastetxeekin lankidetza estuan jardunez. Lanbide Heziketa talentua duten pertsonez osaturiko harrobia da, eta, jasotzen duten prestakuntzari esker, horiek ezin hobeto txertatzen dira telekomunikazioen bihotza osatzen duten eremuetan: sarearen hedapenean eta informazio eta berrikuntza teknologikorako sistemetan. HETELekin mantentzen dugun etengabeko lankidetzari esker, LHren egoera aztertu dezakegu eta gizartearekin konektatzen duen erreferentziazko enpresa teknologiko batean beren lanbidea garatu nahi duten pertsonengana hurbil gaitezke.  

   Oraindik ez dago argi hainbat aurrerapen teknologikoren ondorioz enpresetan ikusten ari garena benetako iraultza den.Baina, ziur gaude 4.0. industria delakoak antolamendu-aldaketak nahiz aldaketa teknikoak ekarriko dituela eta LHko ikastetxeok gure ikasleak horietan trebatzeko prestatuta egon behar dugula.    Teknikerren IK4ren eskutik, Erasmus+ programak, beste batzuekin batera, finantzaturiko LAIT 4.0. proiektuaren bidez, HETELeko ikastetxeetako 7 irakaslek, Dundee and Angus College-eko (Eskoziako) 4 irakaslek, APRO Formazione-ko (Italiako) 4 irakaslek, SRC Kauno-ko (Lituaniako) 4 irakaslek eta ROC Da Vinci-ko (Holandako) 2 irakaslek beren ezagutza teknologikoak eguneratuko dituzte, enpresa txikiei eta ikasleei egokitze-prozesu horretan laguntzeko gai izateko.    Azaroaren 24an, ostegunean, eta azaroaren 25ean, ostiralean, proiektuko taldea Maristak (Durango) eta Zabalburu (Bilbo) ikastetxeetan bilduko da, lanean hasteko. Lan bikaina!  

Ikastetxe bakoitzak hizlari bat izango du, eta hark erronkei jarrera positiboarekin aurre egiteko norbere modua helaraziko die ikasleei, “HETEL Abantean” lelopean HETEL Abantean 20 ikastetxeek etorkizunari aurre egiteko partekatzen duten jarrera bat da        20 ikastetxe eta helburu bakar bat:Gazteei lan merkatuko eta, oro har, bizitzako erronka berriei aurre egiteko jarrera positiboa helaraztea.“HETEL Abantean” lelopean Euskadiko Gizarte Ekimeneko Lanbide Heziketako Ikastetxeen Elkartea osatzen duten Lanbide Heziketako 20 ikastetxeek partekatzen duten jarrera bat da, eta gerturatzen ari diren erronka berriei aurre egiteko jarrera eraikitzailea eta konprometitua izango duten ikasleak eta irakasleak bilatzen ditu.Azken finean, ikasleak lan-merkatuari aurre egiteko prestatzeko modu bat da.    HETEL Abantean programa gauzatzeko, HETELeko ikastetxe bakoitzak hizlari bat gonbidatuko du, bere esperientzia pertsonalari eta profesionalari buruzko hitzaldia emateko eta entzuleentzat eredu izateko. Hitzaldi horiek “Student Branding, aukerak ez dira jazotzen, zuk sortzen dituzu” edo “zure etorkizuna eraikitzen” gisako izenburuak izango dituzte. Horretarako, pertsona erreferenteak izango ditugu, hala nola Richard Oribe igerilari paralinpikoa, Eider Merino txirrindularia eta Alex Txikon mendizalea.