HETEL

Linkedin Instagram Youtube Facebook
Menu

Kategoria: Albisteak

Peñascalek ekintzailetza sustatzeko metodologia berriak aztertu ditu Polonian

HETELen Erasmus+ beka bati esker, eta TKNIKAk urrats bateko arduradunentzat antolatutako Poloniara egindako bisitan, Peñascaleko Ines IbañezEk, parte hartu ahal izan du hezkuntza-jardunbide egokien trukea ardatz duen topaketa honetan. Astebetean, ikasleen artean espiritu ekintzailea sustatzera bideratutako metodologia berritzaileak aztertu ziren. Mugikortasunaren helburu nagusia Europako beste hezkuntza-sistema batzuetan sormena eta ekimena nola sustatzen den zuzenean ezagutzea izan zen. Beste herrialde batzuetan egiten dena ezagutzea funtsezkoa da gure hezkuntza-estrategiak aberasteko horregatik, TKNIKAk topaketa horiek antolatzen ditu Europako beste herrialde batzuekin. Mugikortasun horren ondorioek Peñascalen ekintzailetza-proiektuak bultzatzen jarraitzeko balioko dute, etorkizuneko erronkei ekimenez eta sormenez aurre egiteko pertsona prestatuak prestatzeko helburuarekin bat etorriz. Abantean!

LKSk Lanbide Heziketaren aldeko apustua egin du talentua erakartzeko

HETELek LKS enpresarekin duen lankidetza indartu du, HETELen informatikako prestakuntza-zikloetako ikasleen gaitasun teknikoak eta zeharkakoak hobetzeko. Aste honetan inauguratu da Zabalburu ikastetxean lehen enpresa-gelaren hirugarren edizioa, unibertsitateetan ezarritako eredua Lanbide Heziketari egokituz. Ekimen hau informatikako prestakuntza-zikloetako ikasleei zuzenduta dago bereziki, sektore digitalaren erronkei eraginkortasunez heltzeko helburuarekin. LKS enpresak ikasturte-amaierara arte, , enpresa horretako profesionalen tutoretzarekin, LKS proiektuetan arituko diren lehen mailako Lea Artibai eta Zabalburu ikastetxeko 8 ikasle hautatu ditu. Datorren ikasturtetik aurrera, hautatutako pertsona hauek HETELeko ikastetxeetako eskoletan eta LKS enpresan egonaldia konbinatuko dute, Dual ereduari jarraituz. Gure asmoa da eredu hau sektore eta enpresa gehiagotara hedatzea etorkizunean. Abantean!

HETEL eta Kataluniako ACFPI LH elkartearen topaketa Jon Labaka LHko Sailburuordearekin

Eusko Jaurlaritzako Lanbide Heziketako sailburuorde Jon Labakak HETEL eta ACFPI (Kataluniako LHko ikastetxe kontzertatuen elkartea) erakundeetako ordezkariak hartu ditu. Bileran, Lanbide Heziketari buruzko Lege berriak dakartzan hainbat alderdi jorratu dituzte, eta bi erkidegoen arteko lankidetza estutzeko aukera ere izan dute. Kataluniako ordezkarien bisita baliagarria izan da, gainera, HETEL eta ACFPI elkarteen arteko lankidetza-hitzarmenaren hurrengo ekintzak zehazteko. Ekintza horien artean daude euskal irakasleen bisita Kataluniara, aniztasunaren kudeaketa eta inklusioari buruzko praktikak ezagutzeko, eta Kataluniako irakasleen bisita Euskadira, Lanbide Heziketan erabiltzen diren metodologia desberdinei buruzko esperientziak trukatzeko. HETELek hezkuntzaren kalitatea hobetzeko konpromiso sendoa berresten du, eta bereziki Lanbide Heziketan, sektoreko eragile esanguratsuekin lankidetzan arituz.

Oinarrizko LHko ikasleek Erasmus+ esperientziari ekin diote Portugalen

Joan den apirilaren 30ean, Bilboko Peñascal ikastetxean informazio saio bat egin zen Oinarrizko Lanbide Heziketako ikasle eta haien familiei zuzendua. Helburua, taldea Portugalera abiatu baino lehen, informazio praktikoa eta azken gomendioak ematea izan zen. Dozena bat ikaslek beren prestakuntza osatzeko aukera izango dute Portugalgo enpresetan, non beren gaitasun teknikoak garatu ahal izango dituzten, baita trebetasun pertsonal eta sozialak ere, lan ingurune erreal batean eta testuinguru kultural desberdin batean. Bizipen aberasgarri hau posiblea da Erasmus+ programari esker. Aurten, gainera, HETELek inklusiorako beste urrats bat eman du, mugikortasun murriztua duen pertsona baten parte-hartzearekin; horrek erakusten du programaren eta elkartearen konpromisoa aukera-berdintasunarekin. Dagoeneko jaso ditugu lehen irudiak eta iruzkinak Portugaletik, eta esperientzia  oso positiboa izaten ari dela dirudi. Egonaldi aberasgarria eta ikasketaz betea opa dizuegu! Abantean!

Moodle Moot Euskadi 2025 ekitaldian izena emateko epea ireki da!

Aurtengo ekitaldian “Moodle eta Adimen Artifiziala hezkuntzan” gaia jorratuko da eta horretarako hainbat hitzaldi eta tailer izango ditugu. Programa oraindik behin behinekoa da, baina hitzaldi nagusia MoodleHQ-ko Amaia Anabitartek eta Sara Arjonak emango dute, eta hitzaldi horretan Moodleko bertsio berrienek eskaintzen dituzten Adimen Artifizialeko tresnak eta aukerak erakutsiko dituzte Horretaz gain, beste hitzaldi hauek ere izango dira: Ekimenari amaiera emateko Adimen Artifizialaren erronkak hezkuntzan mahai ingurua izango genuke, bertan Egoitz Etxeandia, Euskateleko Iñigo González eta MUko Iñaki Lakarra izango ditugularik. Aurtengo edizioa maiatzak 23an (9:00etatik 16:00etara) izango da Euskaltelek Derion duen egoitzan, izan ere, Euskaltel Fundazioa izango da aurtengo ekitaldi honen babeslea. ????Ez galdu hezkuntza eraldatzeko grina duten pertsonekin partekatzeko eta ikasteko aukera paregabe hau! ???? Informazio gehiago esteka honetan https://mooteu.eus/

Portugalgo ETAP ikastetxera egindako bisita aberasgarria

Sopeña Bilbaoko irakasleak, HETELen Erasmus+ beka bati esker, Portugalgo ETAP ikastetxea bisitatu dute, ile-apainketako eta estetikako ikasketetan ikuspegi ezberdinetatik ikasteko. ETAPera egindako bisita oso esperientzia aberasgarria izan da, eta erabilitako metodologiak, hezkuntza-ikuspegia eta ikastetxearen ikuspegi profesionala bertatik bertara ezagutzeko aukera eman du. Murgiltze horrek, etorkizuneko balizko lankidetzei ateak irekitzeaz gain, Sopeña Bilbaon irakaskuntza-jarduna aberastuko duten funtsezko gaitasunak garatzen ere lagundu du. Abantean!

Yonder Holandako ikastetxeko irakasleak HETEL ikastetxeak bisitatzen

HETEL Lanbide Heziketako ikastetxeen sarearen eta Holandako The Dutch Alliance ikastetxeen sarearen arteko harremana 2010ean hasi zen. Lankidetza luze honen ondorioz, joan den astean, Yonder ikastetxe holandarreko irakasleek HETEL ikastetxe batzuk bisitatu zituzten (Otxarkoaga Heziketa Zentroa, Kooperatiba Peñascal, Egibide eta Maristak Durango), gure irakasleekin ikasteko eta ezagutza trukatzeko, honako gai hauei dagokienez: ikasle etorkinei hizkuntza-laguntza ematea, berrikuntzaren kudeaketa, irakaskuntza-ikaskuntzaren kalitatearen kudeaketa, aniztasunaren kudeaketa eta Z. belaunaldiko gazteen behar berriak. Espero dugu ikaskuntza aberasgarria izatea alde guztientzat!

Euskadi – Alemania lankidetzan urratsak ematen

HETELen Erasmus plus beka bati esker, Sopeña Bilbaoko irakasle batzuk Europako mugikortasun batean parte hartu dute KBKOk Alemaniako Gummersbach eta Waldbröl hirietan dituen ikastetxeak bisitatuz. Bisita honetan, Finantzen ikasketen barruan gaztelaniaz zein ingelesez emandako ikasgaiak behatuz ikasteko saioez gozatu ahal izan dute. Era berean, bilerak egin dira ikastetxeen artean etorkizunean nazioarteko lankidetzak lortzeko lehen urratsak emateko.

Esperientzia trukea Eskoziako ikastetxeekin

Katie eta Julenek, Zabalburu ikastetxeko nazioartekotze arduradunek, HETEL Erasmus beka bati esker, Eskozia bisitatu ahal izan zuten, bai Edinburgo, bai Glasgow. Irakasleek New College Lanarkshireko International Week–ean parte hartzeko aukera izan zuten, baita Edinburgh College (Milton Road Campus) eta NCL- New College Lanarkshire (Motherwell Campus) ikastetetxeak bisitatzekoa ere. Gainera, bisita hau informatikako hainbat ikasle eskoziarren harrera planifikatzeko aprobetxatu zen. Oro har, esperientzia positiboa izan zen. Abantean!

Maristak Durangoko ikasleek Milanen amaitu dute zibersegurtasuneko nazioarteko erronka

HETELen Erasmus plus bekei esker, Blended Mobility programaren barruan,  Maristak Durangoko zibersegurtasuneko espezializazioko ikasleek esperientzia ikaragarria bizi izan dute. Nazioarteko erronka batean lan egiteko, ITS Angelo Rizzoli ikastetxeeko kideekin, eta Milanera (Italia) joateko aukera izan dute. Otsailaz geroztik, talentu horiek elkarlanean aritu dira online formatuan zibersegurtasuneko erronka batean, eta, azkenean, aurrez aurre bildu dira erronkari azken ukitua emateko. Egonaldian zehar, Vantea Smart zibersegurtasun enpresa ere bisitatu dute. Bertan, identitateen kudeaketan egiten dituzten lanak zuzenean ezagutu zituzten, baita ikastetxeekin etorkizuneko profesionalak prestatzeko nola lan egiten duten ere.Esperientzia horri esker, trebetasun teknikoak hobetzeaz gain, ingelesa praktikatu dute, beste kultura batean murgildu dira eta ahaztuko ez duten abenturaz gozatu dute. Abantean!